LEMBRANZAS DO INTERRITMOS

Coas actividades levadas a cabo o 6 e o 7 de outubro en Samos e As Nogais, respectivamente, finalizamos a edición de 2023, do proxecto de traballo en rede Interritmos Sons do Rural.
Nesta edición, un total de 21 grupos se inscribiron no proxecto. O xurado, formado por Patricia Hermida, Santiago Castromán e Chema Cebeiro seleccionou a 10 finalistas que participaron nunha audición en vivo no Náutico de San Vicente do Mar (O Grove).

PAISAXES INTELIXENTES EXTRAENDO TODO VALOR DATOS RURAL

O 19 de setembro, tivo lugar no restaurante O Secadeiro, no Lugar de Banzas, Concello de Outes, o faladoiro que levaba por título “Extraendo todo o valor dos datos no rural. O caso do sector lácteo”.
O faladoiro nace da necesidade de aumentar a conciencia, o coñecemento e intercambio entre saberes expertos científico-técnicos e saberes no terreo. Debateuse entre a importancia (ou non) da dixitalización e a análise dos datos para o desenvolvemento rural.

O PAZO DE GOIÁNS, ACOLLEU AS ACTIVIDADES DE INTERRITMOS

O venres 22 de setembro, tiveron lugar no Pazo de Goiáns, no Concello de Boiro, as actuacións que forman parte do circuíto musical, desenvolto pola Asociación Deloa, no que participaron dous dos grupos gañadores da edición 2023 do proxecto INTERRITMOS SONS DO RURAL. A participación no circuíto musical, forma parte do premio outorgado, o pasado 10 de xuño no Náutico de San Vicente do Mar, ás agrupacións musicais Leni Pérez & Roberto Comesaña, Fixe Trío, As Lembranzas e Maghúa.

A COOPERATIVA XUVENIL MOIRA, RECIBE UN PREMIO PARA A POSTA EN MARCHA DO SEU PROXECTO COOPERATIVISTA

O pasado mes de xullo, tivo lugar no Pazo de Goiáns, en Boiro a presentación dos proxectos cooperativistas que xurdiron en dúas das accións formativas que se desenvolveron ao abeiro do convenio subscrito entre a Asociación de Desarrollo Local Deloa e a Escuela de Organización Industrial, que ten por obxectivo formar á mocidade desempregada e darlles a coñecer as posibilidades de autoemprego e emprendemento colectivo no sector do Márketing Dixital, aportando formación práctica e describindo as características dos pasos a seguir para a creación dunha cooperativa.

A FUNDACIÓN PAIDEIA GALIZA E A FUNDACIÓN EOI IMPULSAN UNHA NOVA ACCIÓN FORMATIVA DIRIXIDA A PROMOTORES E EMPRENDEDORES/AS CULTURAIS NO RURAL GALEGO

• Os Espazos Coworking Go2Work son programas de desenvolvemento profesional cofinanciados polo Fondo Social Europeo sen custo para os seus participantes.

• O primeiro Espazo Coworking Go2Work dedicado ao emprendemento sustentable de proxectos culturais e artísticos no rural 2022 está aberto a persoas, grupos, asociacións ou profesionais de Galicia.

INTERRITMOS: SONS DO RURAL RECALOU EN MUROS COA ACTUACIÓN DE ABRIL E TUMBA E DALLE

• As actuacións complementáronse coa celebración dunha charla-coloquio, na que participaron Susana Seivane e Antón Corral.
• INTERRITMOS busca promover a cultura como motor de desenvolvemento territorial, así como dar visibilidade e potenciar a profesionalización de grupos e bandas que apostan pola evolución da música tradicional e de raíz.
• INTERRITMOS é un proxecto de traballo en rede promovido por 4 Grupos de Desenvolvemento Rural: a Asociación de Desarrollo Local DELOA, o GDR Asdecomor, o GDR Salnés-Ulla-Umia e o GDR Ribeira Sacra-Courel.

DIÁLOGO SOBRE CULTURA RURAL SUSTENTABLE

Terá lugar o 28 de agosto no Festival de la Luz en Boimorto (A Coruña)

A Asociación de Desarrollo Local Deloa, coordina o proxecto de cooperación interterritorial que leva por título “La gestión de la sostenibilidad en eventos culturales con espectáculos en vivo en espacios rurales”, no que participan un total de nove grupos de desenvolvemento rural, 8 pertencentes á comunidade autónoma de Galicia e un á de Extremadura.

DELOA ANIMA ÁS ENTIDADES DO TERRITORIO A ADHERIRSE AO GDR E A PARTICIPAR ACTIVAMENTE NA ELABORACIÓN DA ESTRATEXIA

• A entidade celebrou a asemblea xeral no Pazo de Goiáns en Boiro, na que se aprobou a presentación da súa candidatura como entidade colaboradora da Agader para a xestión da medida Leader de Galicia 2023-2027.
• Ademais asinouse un convenio de colaboración entre a Fundación Paideia Galiza e os GDR Ribeira Sacra-Courel, Asdecomor e Deloa para poñer en marcha unha acción formativa sobre emprendemento cultural e outro entre a Asociación Deloa e os concellos de Noia, Outes e Porto do Son, para levar a cabo unha residencia artística xuvenil, dirixida á mocidade de entre 16 e 29 anos.