Onte tivo lugar a xunta directiva e a asemblea xeral da asociación, onde ademais de aprobar as contas anuais de 2016 informouse, entre outros, do estado de situación do programa Leader 2014-2020.
A Asociación de Desarrollo Local Deloa celebrou este xoves unha reunión da súa Xunta Directiva e da súa Asemblea Xeral, nas que estiveron presentes, entre outros, a Presidenta de Deloa Dna. Sandra Ortega Mera e os alcaldes de Boiro, Rianxo, Dodro, Pobra e a alcaldesa de Outes; e representantes de Lousame, Riveira e Porto do Son.
Os asistentes aprobaron as contas do exercicio 2016 e foron informados sobre o estado de situación dos proxectos que presentaron a solicitude de axuda ao programa LEADER e sobre as dúas propostas de resolución que a Xunta Directiva terá que remitir a AGADER, cos proxectos que se subvencionarán. A primeira proposta recollerá os proxectos presentados antes do 31 de marzo e a segunda os proxectos presentados ao 31 de maio de 2017. Antes do 31 de marzo 16 proxectos presentaron solicitude de axuda e dúas máis antes do 31 maio. Da totalidade dos 18 proxectos, 5 son proxectos non produtivos de entidades privadas, outros 5 proxectos non produtivos de entidades públicas (municipios), e os restantes 8 por promotores privados dos municipios de Rianxo, Muros, Porto do Son, Boiro e Outes.
Para finalizar informouse sobre os dous proxectos postos en marcha pola Fundación Paideia, a Asociación Deloa e a Escola de Organización Industrial (EOI), dependente do Ministerio de Industria, Enerxía e Turismo, que teñen como beneficiarios directos a emprendedores das industrias culturais e, a mozos inscritos no Sistema de Garantía Xuvenil. A finais de 2017 realizarase o 5 taller dun total de 7, a través dos que se adecúan as competencias profesionais e persoais dos mozos desempregados ás requiridas no mercado laboral actual. Por outra banda, o 13 de xullo terá lugar o primeiro DEMODAY, no Auditorio Municipal de Caldas de Reis, dentro do Festival Portamérica, e no que se presentasen 9 proxectos emprendedores que se estiveron xestando dentro do Programa Formativo en industrias musicais, para aqueles artistas, músicos ou emprendedores culturais relacionados con calquera aspecto da industria musical, de calquera estilo ou tendencia.